5. L-involviment tal-partijiet interessati

5.1. Timijiet multidixxiplinari

Approċċ multidixxiplinari għall-iżvantaġġ edukattiv u t-tluq bikri mill-iskola (ESL) ilaqqa’ flimkien professjonisti minn ġewwa l-iskola u ’l barra minnha, fosthom psikologi, assistenti soċjali u professjonisti fil-kura medika. It-timijiet multidixxiplinari għandhom il-potenzjal li joffru firxa ta’ servizzi sabiex jappoġġaw żgħażagħ f’riskju ta’ żvantaġġ edukattiv u tluq bikri mill-iskola. Dan jinkludi, pereżempju, konċentrazzjoni fuq l-iżvilupp lingwistiku tat-tfal, appoġġ għas-saħħa mentali, appoġġ emozzjonali, ħiliet għall-prevenzjoni tal-bullying, konċentrazzjoni fuq kif se jintlaħqu l-familji emarġinati u appoġġ fl-iżvilupp tal-ħiliet fit-trobbija tat-tfal.

Uri aktar

Riżorsi ( Fittex ir-riżorsi kollha )

Jekk jogħġbok innota li għalissa l-kontenut fil-paġni tar-riżorsi huma disponibbli bl-Ingliż biss.

Netwerk għat-Tluq mill-Iskola u Ħelpdesk Ċentrali fil-belt ta' Antwerp

In-netwerk għall-prevenzjoni tat-tluq mill-iskola jipprovdi firxa wiesgħa ta' servizzi u esperjenza. Kull proġett huwa uniku, iffukat fuq gruppi speċifiċi fil-mira u jattira l-livell proprju ta' finanzjament. L-enfażi hija fuq il-prevenzjoni tat-tluq bikri mill-iskola u l-integrazzjoni mill-ġdid tal-istudenti li ħallew l-iskola. Il-Ħelpdesk Ċentrali jipprovdi appoġġ lill-istudenti u lill-iskejjel. L-istudenti li spiss ifallu jiġu riferuti liċ-Ċentru ta' Gwida tal-Istudenti konness man-netwerk tal-iskola li minnu tagħmel parti l-iskola. Fejn ikun meħtieġ, iċ-Ċentru ta' Gwida tal-Istudenti jfittex l-għajnuna tal-Ħelpdesk Ċentrali. Il-Ħelpdesk jista' joffri miżuri u attivitajiet ta' appoġġ imfassla apposta permezz tan-netwerk ta' diversi organizzazzjonijiet lill-istudenti f'riskju jew lil dawk li telqu mill-iskola.

Qasam: 5. L-involviment tal-partijiet interessati

Suboqsma: 5.1. Timijiet multidixxiplinari; 5.2. In-netwerks tal-partijiet interessati; 5.4. Sħubijiet: L-organizzazzjonijiet tal-komunità u s-soċjetà ċivili

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Belġju

SKWADRI MOBBLI

L-Iskwadri Mobbli nħolqu biex jappoġġjaw lill-iskejjel fl-indirizzar ta' firxa ta' fatturi li jistgħu jwasslu għat-tluq bikri mill-iskola. Is-servizzi tal-'Iskwadri Mobbli' jintalbu mill-korp ta' tmexxija tal-iskola u jistgħu jirreferu għal: assenteiżmu u tluq mill-iskola; problemi ta' mġiba; konflitti bejn l-adulti; taħriġ tal-persunal edukattiv; u assistenza lill-istudenti, lill-membri tal-persunal u lill-kapijiet tal-iskola. F'każ ta' sitwazzjonijiet aktar ikkumplikati, l-"Iskwadra Mobbli" tista' tiddeċiedi li tirreferi l-każ lil servizzi aktar xierqa.

Oqsma: 3. Appoġġ lill-istudenti; 4. L-involviment tal-ġenituri; 5. L-involviment tal-partijiet interessati

Suboqsma: 3.7. Monitoraġġ tal-istudenti f’riskju; 4.1. Komunikazzjoni u informazzjoni; 5.1. Timijiet multidixxiplinari

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Belġju

TIMIJIET MULTI-INTERDIXXIPLINARI GĦALL-PREVENZJONI TAT-TLUQ BIKRI MILL-ISKOLA

Dan id-dokument jipprova jeżamina l-evidenza rigward il-potenzjal għal timijiet multidixxiplinari u interdixxiplinari li jaqdu rwol ewlieni fil-prevenzjoni tat-tluq bikri mill-iskola. Bħala parti mill-iżvilupp ta' strateġija għal timijiet multi/interdixxiplinari bħal dawn, tingħata attenzjoni kbira lill-kundizzjonijiet meħtieġa u ta' appoġġ għall-effettività tagħhom, minflok fuq suppożizzjoni deterministika tal-effettività inevitabbli tagħhom. Ir-rapport jenfasizza l-ħtieġa li tingħata gwida strateġika b'saħħitha lit-timijiet dwar kwistjonijiet importanti li jkunu se jindirizzaw it-timijiet bħall-appoġġ għas-saħħa mentali, alternattivi għas-sospensjoni, l-involviment ta' familji emarġinati, is-soluzzjoni ta' kunflitti bejn l-għalliema u ħiliet ta' taħriġ fid-diversità, ħiliet ta' prevenzjoni tal-bullying, it-trawwim ta' ambjent pożittiv fl-iskola, ħiliet ta' impenn mal-ġenituri u attenzjoni fuq l-iżvilupp tal-lingwa fit-tfal eċċ.

Oqsma: 3. Appoġġ lill-istudenti; 5. L-involviment tal-partijiet interessati

Suboqsma: 3.1. Il-benesseri tal-istudenti; 3.3. Gwida u appoġġ dwar il-karrieri; 3.9. Appoġġ immirat: il-migranti, ir-Roma; 3.10. Appoġġ immirat: il-ħtiġijiet edukattivi speċjali u d-diffikultajiet fit-tagħlim; 5.1. Timijiet multidixxiplinari

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Albanija; Awstrija; Belġju; Bulgarija; Danimarka; Estonja; Finlandja; Franza; Greċja; Irlanda; Islanda; Italja; Kroazja; Latvja; Litwanja; Lussemburgu; Malta; Maċedonja ta' Fuq; Norveġja; Olanda; Polonja; Portugall; Renju Unit; Repubblika Ċeka; Rumanija; Serbia; Slovakja; Slovenja; Spanja; Svezja; Turkija; Ungerija; Ċipru; Ġermanja