4. L-involviment tal-ġenituri

4.1. Komunikazzjoni u informazzjoni

Ir-riċerka turi li l-benefiċċji tal-involviment tal-ġenituri jiddependu l-aktar fuq il-kwalità ta' dan l-involviment. L-iskejjel għandhom rwol importanti x’jaqdu biex jiżviluppaw u jżommu l-flussi tal-komunikazzjoni u tal-informazzjoni mal-ġenituri. Il-biċċa l-kbira tal-pajjiżi Ewropej għandhom fis-seħħ dispożizzjonijiet legali li jiżguraw id-dritt tal-ġenituri li jkunu infurmati dwar l-edukazzjoni ta’ wliedhom. Madankollu, dan jista’ ma jkunx effettiv ħafna għall-ġenituri u l-familji li jkunu l-aktar distanti mill-kultura tal-iskola. Minbarra l-arranġamenti formali għall-komunikazzjoni, huma meħtieġa sett ta’ miżuri kumplimentari li jilħqu gruppi differenti ta’ ġenituri, inklużi dawk bi stili differenti ta’ kif irabbu t-tfal u b’livelli differenti ta’ distakk mill-iskola.

Uri aktar

Riżorsi ( Fittex ir-riżorsi kollha )

Jekk jogħġbok innota li għalissa l-kontenut fil-paġni tar-riżorsi huma disponibbli bl-Ingliż biss.

CARE TO LEARN - SKEMA GĦALL-INDUKRAR TAT-TFAL FIR-RENJU UNIT

L-iskema Care to Learn fl-Ingilterra, fir-Renju Unit tista' tgħin bl-ispejjeż tal-indukrar tat-tfal, inklużi d-depożitu u l-miżata tar-reġistrazzjoni, sessjoni ta' prova għal ħamest ijiem, iż-żamma tal-post fiċ-ċentru tal-indukrar tat-tfal waqt il-vaganzi tas-sajf u t-trasport minn u lejn il-faċilità tal-indukrar tat-tfal. Dan id-dokument jagħti deskrizzjoni qasira tal-aħħar evalwazzjoni tal-miżura u tar-riżultati tagħha.

Qasam:

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Renju Unit

GWIDA GĦALL-MEDJATURI TAL-ISKEJJEL ROM

Il-'Gwida għall-medjaturi/assistenti tal-iskejjel Rom', imħejjija mill-Kunsill tal-Ewropa, hija mmirata l-aktar għall-kategoriji kollha ta' persunal mill-komunità Rom li jaħdmu biex itejbu l-kundizzjonijiet ta' tagħlim għat-tfal Rom. Hija maħsuba sabiex tipprovdi lill-persunal b'firxa wiesgħa ta' għodod u linji gwida prattiċi li jistgħu jkunu adattati għal kuntesti differenti. Il-gwida tikkunsidra l-profili tal-medjaturi u tal-assistenti tal-iskejjel u r-rwol tagħhom fl-iffaċilitar tar-relazzjonijiet bejn l-iskola u l-komunita(jiet) Rom, bejn l-għalliema u persunal ieħor tal-iskola u l-ġenituri ta' tfal Rom. Il-kontenut tal-gwida huwa għalhekk imfassal sabiex itejjeb ix-xogħol tal-medjaturi u tal-assistenti tal-iskejjel Rom u jnaqqas l-impatt ta' kwalunkwe effett mhux mixtieq billi jipprovdi attività strutturata minn jum għal jum u jenfasizza aspetti ta' medjazzjoni li ħafna drabi fil-prattika ma jintużawx.

Qasam:

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Albanija; Awstrija; Belġju; Bulgarija; Danimarka; Estonja; Finlandja; Franza; Greċja; Irlanda; Islanda; Italja; Kroazja; Latvja; Litwanja; Lussemburgu; Malta; Maċedonja ta' Fuq; Norveġja; Olanda; Polonja; Portugall; Renju Unit; Repubblika Ċeka; Rumanija; Serbia; Slovakja; Slovenja; Spanja; Svezja; Turkija; Ungerija; Ċipru; Ġermanja

L-innovazzjoni tal-iskejjel fl-Ewropa: il-promozzjoni tal-istima personali u ħiliet tal-ħsieb ta’ ordni ogħla tal-istudenti permezz ta’ innovazzjoni fil-kurrikuli fl-Iskola Primarja tal-Komunità ta’ Willenhall

L-approċċ tal-iskola għat-tagħlim u għall-apprendiment huwa bbażat fuq il-ksib ta’ eċċellenza edukattiva u s-suċċess għall-istudenti kollha. L-iskola żviluppat kurrikulu stimulanti li jfittex li jipprovdi lill-istudenti tagħha fehim tal-proċessi tal-apprendiment li jkunu involuti fihom (metakonjizzjoni) – u jibni t-twemmin fihom infushom. L-għoti ta’ tagħlim speċjalizzat f’ċerti oqsma ta’ suġġetti (ix-xjenza, il-mużika, l-arti, l-edukazzjoni fiżika) huwa element prinċipali f’dan il-proċess, hekk kif inhu l-iżvilupp tat-tagħlim tal-matematika fl-iskola (għall-istudenti tas-6 grad). It-tagħlim tal-filosofija lill-istudenti kollha huwa wkoll element vitali fl-iżvilupp tal-ħiliet tal-ħsieb, tar-reżiljenza u tal-kunfidenza personali tal-istudenti. L-innovazzjoni fil-kurrikulu titwettaq fuq inizjattiva tal-iskola, li taħdem f’kooperazzjoni mas-sħab tal-Federazzjoni tagħha fl-Iskola Primarja ta’ Whitmore Park. Il-persunal kollu, il-korp governattiv, l-istudenti u l-ġenituri spiss jiġu kkonsultati u jsiru parti mill-proċess tal-iżvilupp fil-kurrikulu, u l-iskola tingaġġa ħafna mas-sħab tal-komunità fl-iżvilupp ta’ attivitajiet ta’ apprendiment usa’.

Qasam: 2. L-għalliema

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Renju Unit

L-innovazzjoni tal-iskejjel fl-Ewropa: innovazzjoni tal-kurrikuli għal ambjent tal-apprendiment ta’ appoġġ fl-Iskola President Kennedy f’Coventry

Il-filosofija tal-iskola fir-rigward tat-tagħlim u tal-apprendiment hija ffukata fuq il-fehim attiv tal-istudenti u l-parteċipazzjoni fil-proċess tal-apprendiment. Il-kurrikulu tal-iskola huwa bbażat fuq il-prinċipji tal-progress u l-koerenza.
“Il-Pont” huwa wieħed mill-prinċipji innovattivi ewlenin implimentati fl-iskola. Dan jikkonsisti minn innovazzjoni tal-kurrikulu stabbilita biex tipprovdi ambjent ta’ apprendiment ta’ appoġġ u konduttiv għal studenti li deħlin fl-edukazzjoni sekondarja tal-età ta’ 11-il sena. L-apprendiment huwa bbażat fuq proġetti u mogħti minn timijiet ta’ għalliema minn oqsma differenti tal-kurrikulu, li jippermetti lill-istudenti jingaġġaw ma’ numru żgħir ta’ għalliema, u jaħdmu fuq objettivi tal-apprendiment definiti b’mod ċar u koeżivi. Il-ħames prinċipji li jirfdu l-Pont huma: Kisba; Appartenenza; Ċelebrazzjoni; Dixxiplina; Arrikkiment; L-istudenti jingħataw is-setgħa ta’ studenti indipendenti – matul iż-żmien tagħhom fl-iskola – u wara. Sistema tal-premjijiet tippermetti lill-istudenti jiksbu punti għal premjijiet fi tmiem is-sena.

Qasam: 2. L-għalliema

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Renju Unit

L-INVOLVIMENT TAL-ĠENITURI BIEX JIĠI EVITAT IT-TLUQ BIKRI MILL-ISKOLA

Dan ir-rapport jipprova jinforma u jiggwida l-ippjanar strateġiku fuq żmien qasir u medju tal-għaxar muniċipalitajiet tal-bliet Urbact - PREVENT u tal-muniċipalitajiet, l-awtoritajiet lokali u l-iskejjel l-oħrajn kollha madwar l-Ewropa f'dak li jirrigwarda l-involviment tal-ġenituri fl-edukazzjoni biex jiġi evitat it-tluq bikri mill-iskola. Din ir-reviżjoni hija bbażata fuq analiżi ta' dokumenti tal-Kummissjoni u tal-Kunsill tal-UE dwar l-ESL u l-inklużjoni soċjali, djalogu u proċess ta' konsultazzjoni kontinwa mal-10 muniċipalitajiet involuti fil-proġett Urbact - PREVENT u tinterroga riċerka internazzjonali rilevanti għal dan il-qasam. PREVENT huwa ffinanzjat mill-programm tal-UE Urbact.

Qasam:

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Albanija; Awstrija; Belġju; Bulgarija; Danimarka; Estonja; Finlandja; Franza; Greċja; Irlanda; Islanda; Italja; Kroazja; Latvja; Litwanja; Lussemburgu; Malta; Maċedonja ta' Fuq; Norveġja; Olanda; Polonja; Portugall; Renju Unit; Repubblika Ċeka; Rumanija; Serbia; Slovakja; Slovenja; Spanja; Svezja; Turkija; Ungerija; Ċipru; Ġermanja

Skejjel li Jirrispettaw id-Drittijiet (RRS)

Skejjel li Jirrispettaw id-Drittijiet (Rights Respecting Schools - RRS) huwa approċċ immexxi minn UNICEF-UK li jintegra l-Konvenzjoni tan-Nazzjonijiet Uniti dwar id-Drittijiet tat-Tfal (UNCRC) bħala approċċ tal-iskola kollha għall-edukazzjoni dwar id-drittijiet tat-tfal. L-għan ġenerali tal-approċċ huwa li joħloq ambjent ta' skola li huwa kkaratterizzat mill-parteċipazzjoni, l-inklużjoni, u s-sigurtà, fejn jiġi żgurat ir-rispett lejn kull membru tal-komunità tal-iskola. Is-Sett ta' Għodod tal-UNICEF għall-Edukazzjoni dwar id-Drittijiet tat-Tfal (CRE) jipprovdi gwida dwar kif skola tista' ssir Skola li Tirrispetta d-Drittijiet. L-iskejjel jadattaw l-approċċ RRS għall-kuntest tagħhom. L-approċċ jinfluwenza r-relazzjonijiet bejn kull attur fl-ambjent tal-iskola u huwa applikabbli fi kwalunkwe kuntest ta' skola. Il-qafas spjegat fis-sett ta' għodod tal-RRS huwa intenzjonat li jipprovdi prinċipju organizzattiv ċentrali għall-iskola kollha u, b'estensjoni, għall-familji u l-komunità li fiha tinsab l-iskola. Hemm tliet fażijiet ta' żvilupp. It-tieni u t-tielet fażi (Livelli 1 u 2) huma simili. L-għan huwa li jiġi eżegwit il-pjan ta' azzjoni li jkun żviluppat waqt il-fażi Rikonoxximent tal-Impenn sabiex jintlaħqu l-erba' standards tal-RRSA: 1. Valuri li jirrispettaw id-drittijiet huma l-bażi tat-tmexxija u l-maniġment 2. Il-komunità kollha tal-iskola titgħallem dwar CRC 3. L-iskola għandha spirtu ta' rispett lejn id-drittijiet 4. It-tfal jingħataw is-setgħa biex isiru ċittadini u studenti attivi.

Qasam: 2. L-għalliema

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Renju Unit

Talk of the Town (ToTT)

L-intervent 'Talk of the Town' (ToTT) ġie żviluppat minn The Communication Trust u ICAN - żewġ NGOs ibbażati fir-Renju Unit fis-settur tad-diskors, il-lingwa u l-komunikazzjoni. Fl-2011-2012 sar pilota ta' ToTT f'federazzjoni żgħira ta' skejjel (sekondarji u primarji) f'żoni deprivati soċjalment f'Manchester biex jindirizza dewmien fl-iżvilupp fit-tfal tad-diskors, il-lingwa u l-komunikazzjoni (SLC). Huwa approċċ integrat, immexxi mill-komunità u sistematiku għall-appoġġ ta' SLC fit-tfal u ż-żgħażagħ. Hu verament essenzjali li l-istudenti b'diffikultajiet fit-tagħlim jiġu identifikati u jingħataw l-appoġġ meħtieġ qabel il-problema tirriżulta f'assenteiżmu. Ir-riċerka wriet il-bżonn li jiġu identifikati studenti f'riskju u jsir intervent mingħajr telf ta' żmien fil-livell xieraq, u f'dan il-każ l-aktar applikabbli jkun approċċ iffokat. ToTT isegwi proċess sistematiku biex jintegra strateġiji u jikseb riżultati pożittivi li jistgħu jitkejlu. Il-pilota sar b'erba' għanijiet ewlenin: 1. Li tfal u żgħażagħ bi bżonnijiet SLC jiġu identifikati kmieni 2. Kooperazzjoni bejn ġenituri u prattikanti fis-saħħa u l-edukazzjoni 3. Riżultati pożittivi għal tfal u żgħażagħ b'ħiliet SLC mtejba 4. Approċċ sostenibbli, biex il-politika u l-prattika jkomplu jappoġġjaw riżultati pożittivi.

Qasam: 2. L-għalliema

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Renju Unit

ĊENTRI TA' TAGĦLIM TUL IL-ĦAJJA BBAŻATI FIL-KOMUNITÀ

NESET - In-Network of Experts on Social Aspects of Education and Training (Netwerk ta' Esperti dwar Aspetti Soċjali tal-Edukazzjoni u tat-Taħriġ) jippubblika rapporti għal dawk li jfasslu l-politika u għall-prattikanti interessati fil-promozzjoni tal-ekwità u tal-inklużjoni fl-edukazzjoni u t-taħriġ madwar l-Unjoni Ewropea. Dan id-dokument jistudja strateġiji għall-istabbiliment ta' ċentri ta' tagħlim tul il-ħajja bbażati fil-komunità fl-Istati Membri tal-UE. Dan jesplora evidenza u riċerka dwar il-benefiċċji u l-vantaġġi tal-istabbiliment ta' ċentri bħal dawn, kif ukoll dwar l-ostakli u d-diffikultajiet li jfixklu kemm l-istabbiliment kif ukoll l-effettività ta' dawn iċ-ċentri. Ir-rapport jikkonkludi li ċ-ċentri ta' tagħlim tul il-ħajja bbażati fil-komunità jistgħu jipprovdu fl-istess waqt każijiet ta' firxa ta' għanijiet ewlenin ta' tagħlim tul il-ħajja, bħaċ-ċittadinanza attiva, il-koeżjoni/l-inklużjoni soċjali, is-suċċess personali u soċjali, id-djalogu interkulturali, kif ukoll rotot ta' impjieg.

Qasam:

Suberja:

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Albanija; Awstrija; Belġju; Bulgarija; Danimarka; Estonja; Finlandja; Franza; Greċja; Irlanda; Islanda; Italja; Kroazja; Latvja; Litwanja; Lussemburgu; Malta; Maċedonja ta' Fuq; Norveġja; Olanda; Polonja; Portugall; Renju Unit; Repubblika Ċeka; Rumanija; Serbia; Slovakja; Slovenja; Spanja; Svezja; Turkija; Ungerija; Ċipru; Ġermanja