3.9. Appoġġ immirat: il-migranti, ir-Roma
It-tfal li ġejjin minn minoranzi etniċi żvantaġġati huma rappreżentati b’mod sproporzjonat fost dawk li ma jmorrux tajjeb biżżejjed fl-iskola u huma aktar f’riskju ta’ tluq bikri mill-iskola (ESL). Ħafna drabi, fatturi soċjokulturali bħall-ostakli lingwistiċi, id-diskriminazzjoni jew l-ispariġġi (preżunti) fil-kapital kulturali jistgħu jkunu wkoll kawżi ta’ rendiment aktar baxx. B’mod partikolari, it-tfal bi sfond migranti jew Roma, ħafna drabi huma emarġinati kulturalment fi ħdan is-sistema edukattiva. Għalkemm ftit teżisti dejta komparattiva, l-evidenza disponibbli turi li studenti bi sfond Roma aktarx għandhom iżjed iċ-ċans li jitilqu mill-iskola qabel ma jtemmu – jew saħansitra jibdew – l-edukazzjoni sekondarja maġġuri.
Għalkemm id-dejta dwar l-istudenti mwielda f’pajjiżi oħra trid tiġi interpretata b’kawtela, għax hija skarsa għal xi Stati Membri tal-UE, bħala medja dawk imwielda barra l-pajjiż huma darbtejn aktar probabbli li jitilqu qabel iż-żmien mis-sistema tal-edukazzjoni u t-taħriġ meta mqabbla mal-individwi mwielda fil-pajjiż. L-istatus soċjoekonomiku huwa l-bażi ta’ parti kbira ta’ dan l-iżvantaġġ, iżda anki l-kwistjonijiet assoċjati speċifikament mal-istatus tal-migrazzjoni u tal-minoranza etnika huma importanti. L-istudenti migranti li jaslu f’nofs jew lejn l-aħħar tal-edukazzjoni obbligatorja tagħhom huma dawk li jeħtieġu l-akbar attenzjoni.
Filwaqt li l-ħtiġijiet edukattivi ta’ studenti żgħażagħ fi gruppi differenti ta’ minoranzi etniċi jew migranti jistgħu jkunu differenti u speċifiċi ħafna għall-kuntest, ir-riskju akbar ta’ kisba baxxa u tluq bikri mill-iskola li dawn jaffaċċjaw jitlob appoġġ kontinwu u mmirat. Hu rakkomandat approċċ ħolistiku b’taħlita ta’ miżuri ta’ appoġġ magħquda u addattati għall-ħtiġijiet speċifiċi tal-popolazzjoni fil-mira. Dawn il-miżuri għandhom jinkludu:
- Appoġġ akkademiku bil-għan li l-istudenti jiġu appoġġati biex jibqgħu aktar fit-tul fl-iskola u jkollhom kisba edukattiva fil-livelli għoljin. L-appoġġ jista’ jinkludi valutazzjoni inizjali tal-isfond u tal-ħtiġijiet edukattivi; l-inklużjoni fi klassijiet mainstream; il-monitoraġġ tal-progress tal-istudenti u tad-diffikultajiet potenzjali fit-tagħlim; appoġġ b’saħħtu fil-lingwa materna tal-istudent u fil-lingwa tat-tagħlim, mekkaniżmi li jappoġġaw it-tranżizzjoni bejn il-klassijiet ta’ akkoljenza u mainstream u l-livelli differenti tal-edukazzjoni, eċċ.
- Appoġġ soċjali u emozzjonali, eżempju biex jingħelbu l-problemi u l-isfidi relatati mal-esperjenza tal-migrazzjoni jew tal-integrazzjoni tal-istudenti jew problemi personali oħra.
- L-involviment tal-ġenituri u tal-komunità: inkoraġġiment tal-parteċipazzjoni tal-ġenituri permezz ta’ tuturi volontarji bejn id-dar u l-iskola li jistgħu jaġixxu bħala links u jippromwovu sħubijiet aktar b’saħħithom bejn il-kuntest tad-dar u tal-iskola; qsim tal-aħjar prattika bejn l-iskejjel dwar it-titjib tal-involviment tal-ġenituri u tal-komunità; u, l-għoti ta’ informazzjoni dettaljata dwar is-sistema skolastika u l-opportunitajiet tat-tagħlim, ir-rikonoxximent u l-inklużjoni ta’ fondi tal-għarfien ibbażati fil-komunità.
- L-edukazzjoni interkulturali: Klima fl-iskola li tesprimi apprezzament pożittiv għall-isfond kulturali tal-migrant u tal-minoranzi etniċi tal-istudenti u tiffaċilita l-komunikazzjoni bejn l-istudenti permezz ta’ koordinaturi bilingwi u konsulenti interkulturali.
Ħafna studenti bi sfond migranti, jaf ikollhom bżonn ukoll appoġġ lingwistiku mmirat.
Medjaturi (tad-diversità) kulturali ħafna drabi jinħatru biex joħolqu rabtiet bejn l-iskola u l-komunitajiet migranti jew Roma tagħhom ħalli jibnu l-fiduċja, jifhmu lil xulxin u joħolqu relazzjoni aktar mill-qrib bejn l-iskola u l-familji tal-istudenti. Dan jgħin biex l-istudenti jinvolvu ruħhom fl-edukazzjoni tagħhom u jiżgura appoġġ xieraq mill-ġenituri, l-iskola u servizzi lokali oħra. Mudelli kumplimentari oħra jimxu mill-medjatur għal approċċ ibbażat fil-komunità. Il-parteċipazzjoni tal-familja fl-edukazzjoni ta’ wliedhom hija kruċjali biex it-tagħlim isir aktar rilevanti u biex ikun żgurat li l-iskejjel jinżammu responsabbli ħalli jipprovdu edukazzjoni ta’ kwalità kbira, rilevanti u siewja.
Sir af aktar:
Il-Kunsill tal-Ewropa, The situation of Roma School Mediators and Assistants in Europe, Strasburgu: KE, Strasburgu, 2006
Il-Kummissjoni Ewropea, Monitoraġġ tal-Edukazzjoni u t-Taħriġ 2015, l-Uffiċċju tal-Pubblikazzjonijiet tal-Unjoni Ewropea, il-Lussemburgu.
Il-Kummissjoni Ewropea, Study on educational support for newly arrived migrant children, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2013
Netwerk ta’ Politika Ewropew dwar l-edukazzjoni ta’ tfal u żgħażagħ bi sfond migranti, SIRIUS, pjattaforma online.
L-Aġenzija tal-Unjoni Ewropea għad-Drittijiet Fundamentali (FRA), Education: The situation of Roma in 11 EU Member States, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2014.
L-OECD, Closing the Gap for Immigrant Students: Policies, Practice and Performance, OECD, Pariġi, 2010.
L-OECD, Immigrant Students at School, Easing the Journey towards Integration, Pariġi: OECD, Pariġi, 2015.
SIRIUS, Reducing the risk that youth with a migrant background in Europe will leave school early, Policy Brief, 2015.
Qari addizzjonali:
Baysu, G., K. Phalet, u R. Brown, ’Dual Identity as a Two-Edged Sword: Identity Threat and Minority School Performance’, Social Psychology Quarterly, Vol. 74, Nru 2, 2011, pp. 121-143. doi: 10.1177/0190272511407619
Clycq, N., Nouwen, W. u Vandenbroucke, A., ’Meritocracy, deficit thinking and the invisibility of the system: Discourses on educational success and failure’, British Educational Research Journal, Vol. 40, Nru 5, 2013, pp. 796-819. doi: 10.1002/berj.3109
Crul, M., Schneider, J. u Lelie, F. (Ed.) The European Second Generation Compared. Does the Integration Context Matter? (IMISCOE Research). Amsterdam: Amsterdam University Press, Amsterdam, 2012.
Larson, K. A. u Rumberger, R. W., ’ALAS: Achievement for Latinos through academic success’, F’H. Thorton (Ed.), Staying in school: A technical report of three dropout prevention projects for middle school students with learning and emotional disabilities, Università ta’ Minnesota, Istitut dwar l-Integrazzjoni fil-Komunità, Minneapolis, MN, 1995, pp. 1-71.
Nouwen, W. u Clycq, N. (2016). ’The Role of Teacher–Pupil Relations in Stereotype Threat Effects in Flemish Secondary Education, Urban Education. Pubblikazzjoni online Advance. doi:10.1177/0042085916646627.
