3. Appoġġ lill-istudenti

3.7. Monitoraġġ tal-istudenti f’riskju

L-istudenti jistgħu jgħaddu minn perjodi diffiċli fil-ħajja soċjali u/jew familjari tagħhom jew jista’ jkollhom esperjenzi negattivi fl-iskola li jiżvijawhom. Hu importanti li d-diffikultajiet fit-tagħlim, il-problemi soċjoemozzjonali, jew in-nuqqas ta’ impenn jingħarfu minn kmieni, qabel ma joħorġu fid-dieher bl-assenteiżmu mill-iskola jew bi mġiba mhux xierqa. L-iskejjel iridu jistabbilixxu sistema tat-twissija bikrija u monitoraġġ b’kollaborazzjoni mal-familja. L-identifikazzjoni u l-monitoraġġ effettivi ma għandhomx jitqiesu bħala proċess burokratiku u dixxiplinarju li jirreġistra u jirrispondi biss għall-inċidenti ta’ assenteiżmu jew imġiba ħażina, iżda aktar bħala sistema (tat-twissija) li tkun ta’ spalla. L-istudenti jridu jkunu jafu li huma importanti u li hemm min qed jieħu ħsiebhom.

Uri aktar

Riżorsi ( Fittex ir-riżorsi kollha )

Jekk jogħġbok innota li għalissa l-kontenut fil-paġni tar-riżorsi huma disponibbli bl-Ingliż biss.

Junior Job Coach – Nappoġġaw l-ewwel passi fil-ħajja tax-xogħol

Il-proġett Junior Job Coach inħoloq biex jgħin lill-istudenti żgħażagħ vulnerabbli li forsi ma jkollhomx esperjenza u ħiliet soċjali meta jidħlu għall-ewwel fil-post tax-xogħol. Il-proġett iqabbilhom bir-reqqa ma’ junior coach imħarreġ sew li ’l bogħod mill-post tax-xogħol jista’ joffri appoġġ u pariri immedjati.

Qasam: 3. Appoġġ lill-istudenti

Suboqsma: 3.3. Gwida u appoġġ dwar il-karrieri; 3.7. Monitoraġġ tal-istudenti f’riskju; 3.10. Appoġġ immirat: il-ħtiġijiet edukattivi speċjali u d-diffikultajiet fit-tagħlim; 3.11. Appoġġ immirat: Sfond soċjoekonomiku żvantaġġat

Lingwa: BG; CZ; DA; DE; EL; EN; ES; ET; FI; FR; GA; HR; HU; IS; IT; LT; LV; MK; MT; NL; NO; PL; PT; RO; SK; SL; SR; SV; TR

Pajjiż: Awstrija; Olanda; Renju Unit; Rumanija; Spanja

L-ikkowċjar intensiv jgħin inaqqas it-tluq bikri mill-iskola?

Riċerka li saret fin-Netherlands uriet li sena ta' kkowċjar intensiv probabbilment tnaqqas it-tluq bikri mill-iskola b'aktar minn 40% u tagħti benefiċċju soċjali nett. Il-grupp destinatarju ta' studenti kien il-popolazzjoni ġenerali ta' studenti f'edukazzjoni vokazzjonali intermedja. Ir-riżultati jissuġġerixxu li l-akbar benefiċċji jidhru fl-ewwel sena ta' kkowċjar u l-effetti huma l-akbar għal studenti bi probabbiltà ex-ante akbar li jitilqu kmieni mill-iskola. Eżempji ta' kkowċjar huma ħidma fuq il-ħiliet ta' studju (eż., ippjanar u organizzazzjoni), konsulenza f'każ ta' problemi personali u kuntatt mal-ġenituri. Kemm azzjonijiet preventivi (qabel it-tluq bikri mill-iskola) u kemm azzjonijiet kurattivi (fost persuni li telqu kmieni mill-iskola) tal-kowċijiet kienu effettivi u flimkien irriżultaw fi tnaqqis sostanzjali ta' tluq bikri mill-iskola.

Oqsma: 3. Appoġġ lill-istudenti; 5. L-involviment tal-partijiet interessati

Suboqsma: 3.3. Gwida u appoġġ dwar il-karrieri; 3.7. Monitoraġġ tal-istudenti f’riskju

Lingwa: BG; CZ; DA; DE; EL; EN; ES; ET; FI; FR; HR; HU; IT; LT; LV; MT; NL; PL; PT; RO; SK; SL; SV

Pajjiż: Olanda

Urir r-riżultati 10 li jmiss