2.3. L-edukazzjoni inizjali tal-għalliema u l-iżvilupp professjonali kontinwu tagħhom
Kemm l-edukazzjoni inizjali tal-għalliema (ITE) kif ukoll l-iżvilupp professjonali kontinwu (CPD) tagħhom huma ferm essenzjali biex ikun żgurat li l-għalliema jkollhom il-kompetenzi, il-ħiliet u l-għarfien biex ikunu jistgħu jindirizzaw bosta sitwazzjonijiet fil-klassi. Il-maestrija professjonali hija assoċjata ferm mas-sodisfazzjon tal-għalliema. Dan huwa b’mod partikolari l-każ għall-għalliema li jaħdmu f’kuntesti aktar diffiċli, bħall-iskejjel li għandhom studenti bi żvantaġġi soċjoekonomiċi u edukattivi u gruppi ta’ studenti eteroġeni ħafna.
Bħala parti mill-edukazzjoni inizjali tagħhom, hu importanti li l-istudenti għalliema u l-għalliema l-ġodda kollha jkollhom opportunitajiet biex jifhmu aħjar in-natura, il-kawżi u l-firxa tat-tluq bikri mill-iskola u l-iżvantaġġ edukattiv. Hu essenzjali li l-għalliema kollha jifhmu r-rwol ċentrali tagħhom biex jappoġġaw il-kontinwità tal-iżvilupp u t-tagħlim tat-tfal u biex jagħrfu s-sinjali bikrija ta’ diffikultajiet fit-tagħlim jew ta’ nuqqas ta’ impenn. Dan jinkludi l-ħtieġa li l-għalliema jikkollaboraw b’mod effettiv bejniethom, ma’ professjonisti oħra fl-iskola u barra mill-iskola, u mal-ġenituri u l-familji.
L-istudenti għalliema għandhom jingħataw l-opportunità biex jaraw b’għajnejhom ir-realtà ta’ kuljum ta’ ambjenti bi żvantaġġ edukattiv u multikulturali, pereżempju billi jieħdu sehem f’kollokamenti fi skejjel b’rati għoljin ta’ tluq bikri mill-iskola (ESL) jew b'livelli għoljin ta’ żvantaġġ soċjoekonomiku, jew jieħdu sehem f’attivitajiet ma’ familji vulnerabbli. L-għalliema novizzi u l-għalliema maħturin ġodda kollha għandhom jattendu programm sistematiku ta’ induzzjoni li jkun koerenti mal-ħtiġijiet tagħhom, u jipparteċipaw f’taħriġ, fosthom permezz ta’ komunità professjonali u appoġġ addizzjonali minn mentor kwalifikat ħafna.
L-għalliema kollha għandhom jitħeġġu biex jibnu netwerks ma’ għalliema oħra, esperti u riċerkaturi biex jaqsmu l-informazzjoni u jsawru l-għarfien dwar kif tista’ titjieb l-edukazzjoni inklużiva u jiġi indirizzat it-tluq bikri mill-iskola. L-ITE u s-CPD jibqgħu ħajjin jekk tinħoloq kultura ta’ fiduċja relazzjonali fl-iskejjel. Fi klima ta’ fiduċja, l-għalliema jistgħu jaġixxu bħala aġenti tal-bidla; jista’ jsir żvilupp fit-tagħlim permezz ta’ assessjar formattiv u sommattiv. Element ċentrali tal-programmi ta’ edukazzjoni inizjali tal-għalliema u tal-iżvilupp professjonali kontinwu għandu jkun il-ħsieb fuq it-tluq bikri mill-iskola. Is-CPD għandu jkun speċifiku għall-kuntest u allinjat mal-ħtiġijiet u l-għanijiet speċifiċi tal-istudenti u tal-iskejjel. Il-parteċipazzjoni tat-tfal għandha tingħata prominenza biżżejjed fil-programmi tal-iżvilupp professjonali.
Skont studji riċenti, hemm diversi oqsma li fihom l-għalliema jgħidu li għandhom bżonnijiet moderati jew kbar għal CPD, fosthom:
- Il-kompetenza biex jiddijanjostikaw studenti f’riskju
- Il-kawżi u l-konsegwenzi tat-tluq bikri mill-iskola
- Il-miżuri ta’ prevenzjoni, ta’ intervent u ta’ rimedju għat-tluq bikri mill-iskola
- Il-ħidma mal-ġenituri
- It-tagħlim tal-ħiliet krosskurrikulari
- It-tagħlim f’ambjenti multilingwi u multikulturali
- L-għoti ta’ gwida dwar il-karrieri u l-konsulenza lill-istudenti
- It-tagħlim lil studenti bi ħtiġijiet edukattivi speċjali
- It-teknoloġija ġdida fuq il-post tax-xogħol, inkluż fl-iskejjel
- L-approċċi għat-tagħlim individwalizzat
- It-twettiq ta’ riċerka individwali u kollaborattiva bbażata fil-klassi
Xi wħud mill-aktar modi effettivi għall-implimentazzjoni ta’ CPD li jtejbu wkoll il-kultura fl-iskejjel huma:
- Il-bini ta’ komunitajiet professjonali u netwerks tal-għalliema
- It-tagħlim bejn il-pari
- L-osservazzjoni tal-pari
- It-taħriġ (intern) fuq il-post tax-xogħol
- Il-mentoraġġ u t-taħriġ bejn il-persunal u professjonisti oħra;
- It-twarrib ta’ ħin u spazju għal riflessjoni u sħarriġ kollettiv bejn l-għalliema dwar modi biex jissolvew il-problemi attwali, jitjieb it-tagħlim, tissaħħaħ il-klima tal-iskola u jinqasmu l-osservazzjonijiet, l-esperjenzi u l-fehmiet
- Korsijiet (esterni) online jew wiċċ imb wiċċ
- Riċerka ta’ azzjoni kooperattiva sabiex jiġu ttestjati prattiċi ta’ tagħlim innovattivi
- Database tal-prattiċi tat-tagħlim sabiex jixxerred l-għarfien dwar prattiċi effettivi
- Evalwazzjoni regolari tal-għalliema
Aktar informazzjoni:
Il-Kummissjoni Ewropea, Strengthening teaching in Europe: New evidence from teachers compiled by Eurydice and CRELL, Ġunju 2015, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
Qari addizzjonali:
Bryk, A. S., Schneider, B., ’Trust in Schools: A Core Resource for School Reform’, Creating Caring Schools, Vol. 60, Nru 6, 2003, pp. 40-45
Carneiro, R. Looney, J. Vincent-Lancrin, S. ’Learning from the Past, Looking to the Future: Issues and agendas in education’, European Journal of Education, Vol. 50, Nru 4, pp. 524-535. doi: 10.1111/ejed.12158.
Cordingley, P. ’The contribution of research to teachers’ professional learning and development’, Research and Teacher Education: the BERA-RSA Inquiry, British Educational Research Association, RSA Action and Research Centre, ir-Renju Unit.
Day, L., Mozuraityte, N., Redgrave, K., McCoshan, A., Preventing early school leaving in Europe: Lessons learned from second chance education, L-Uffiċċju tal-Pubblikazzjonijiet tal-Unjoni Ewropea, il-Lussemburgu, 2013.
Day, L., Percy-Smith, B., Ruxton, S., McKenna, K. Redgrave, K., Ronicle, J., Young, T., Evaluation of legislation, policy and practice of child participation in the EU: Research summary, L-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015
De Witte, K., Nicaise, I., Lavrijsen, J., Van Landeghem, G., Lamote, C., Van Damme, J., ’The Impact of Institutional Context, Educatin and Labour Market Policies on Early School Leaving: A comparative analysis of EU countries’, European Journal of Education, Vol. 48, Nru 3., 2013, pp. 331-345. doi/10.1111/ejed.12034/
Il-Kummissjoni Ewropea, Education and Training Monitor 2015, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
Il-Kummissjoni Ewropea, Schools Policy: A whole school approach to tackling early school leaving, Edukazzjoni u Taħriġ 2020, il-Kummissjoni Ewropea, Brussell, 2015.
Il-Kummissjoni Ewropea/EACEA/Eurydice, The Teaching Profession in Europe: Practices, Perceptions and Policies, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
IBE-UNESCO, Reaching Out to All Learners: a Resource Pack for Supporting Inclusive Education, Għodod tat-Taħriġ għall-Iżvilupp tal-Kurrikulu, l-Uffiċċju Internazzjonali għall-Edukazzjoni, Ġinevra, 2016.
Isac, M.M., Araújo, L., Dinis da Costa, P., Soto Calvo, E., Albergaria-Almeida, P., Teaching practices in primary and secondary schools in Europe: Insights from large-scale assessments in education, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
Nairz-Wirth, E., Feldmann, K., Diexer, B., Handlungsempfehlungen für Lehrende, Schulleitung und Eltern zur erfolgreichen Prävention von Schulabsentismus und Schulabbruch: Aufbruch zu einer neuen Schulkultur, l-Università tal-Ekonomija u l-Kummerċ ta’ Vjenna, Vjenna, 2012.
Nairz-Wirth, E., Feldmann, K., Wendebourg, E., Professionalisierung von Lehrerinnen und Lehrern im Bereich der Prävention und Intervention von Schul- und Ausbildungsabbruch, l-Università tal-Ekonomija u l-Kummerċ ta’ Vjenna, Vjenna, 2012.
Nouwen, W., Clycq, N., Braspenningx, M., u Timmerman, C., Cross-case Analyses of School-based Prevention and Intervention Measures, Project Paper 6, il-proġett RESl.eu, iċ-Ċentru għall-Istudji dwar il-Migrazzjoni u l-Istudji Interkulturali, l-Università ta’ Antwerp, 2016.
L-OECD, TALIS 2013 Results: An international perspective on teaching and learning, l-OECD, Pariġi, 2014.
L-OECD, Supporting Teacher Professionalism: Insights form Talis 2013, OECD, Pariġi, 2016.
Ryan, L., Lörinc, M., ’Interrogating early school leaving, youth unemployment and NEETS: Understanding local contexts in two English regions’, Educação, Sociedade & Culturas, Vol. 45, 2015, pp. 33-54.
Stéger, C., ’Review and Analysis of the EU Teacher-related Policies and Activities’, European Journal of Education 49 (3), 2014, pp. 332-347. DOI: 10.1111/ejed.12089.
Valenčič Zuljan, M., Marentič Požarnik, B., ’Induction and Early-career Support of Teachers in Europe’, European Journal of Education, Vol. 49, Nru 2, 2014, pp. 192-205. doi: 10.1111/ejed.1.
