2.1. Il-ħiliet u l-kompetenzi tal-għalliema
Ir-rwol tal-għalliem qed jitwessa’ u jsir aktar diffiċli. L-għalliema qed ikunu mistennija jużaw varjetà wiesgħa ta’ metodi, għodod u approċċi u jaddattawhom għall-ħtiġijiet tal-istudenti. Huma jrid ikollhom ukoll il-kompetenzi u l-ħiliet meħtieġa biex fil-klassi joħolqu ambjent pożittiv u jaħdmu id f’id ma’ partijiet konċernati oħra fl-iskola u barra minnha ħalli jipprovdu appoġġ f’waqtu lill-istudenti.
Hemm xi ħiliet u kompetenzi speċifiċi ġodda li l-għalliema huma mistennija jiksbu jew itejbu:
- L-għalliema jeħtieġu attitudni pożittiva b’rabta mal-benefiċċji li jkollhom klassi varjata ta’ studenti quddiemhom. L-għalliema jridu jkunu kapaċi jagħżlu minn firxa wiesgħa ta’ metodi tat-tagħlim u strateġiji tat-tagħlim attiv (fosthom it-tagħlim ibbażat fuq l-istħarriġ u fuq il-proġetti, it-tagħlim kollaborattiv, u l-bqija), biex jaħdmu b’mod effettiv ma’ grupp varjat ta’ studenti, u jfasslu t-tagħlim apposta għalih. Għalkemm l-istudenti jkunu fl-istess ambjent tat-tagħlim, dawn ikollhom ħtiġijiet u preferenzi differenti tat-tagħlim.
- L-għalliema jridu jkunu infurmati dwar l-aħħar prattiċi ibbażati fuq ir-riċerka u l-evidenza f’oqsma rilevanti għall-ħidma tagħhom. L-għalliema li jibqgħu jitgħallmu tul ħajjithom kollha jqisu wkoll l-isfidi professjonali bħala parti mill-proċess tat-tagħlim tagħhom. Huma jiksbu wkoll għarfien u tagħrif li jistgħu jaqsmuhom mal-għalliema l-oħra u jħaddmuhom fil-prattika tagħhom ta’ kuljum.
- L-għalliema jridu jintegraw il-metodi tal-assessjar formattiv fit-tagħlim mogħti u fit-tagħlim irċevut biex jipprovdu rispons lill-istudenti u jappoġġaw il-progress lejn il-miri tat-tagħlim.
- L-għalliema jeħtieġu kompetenzi biex itaffu l-fatturi tar-riskju għat-tluq bikri mill-iskola, li jistgħu jinkludu ambjenti mhux favorevoli fl-iskola u fil-klassijiet, relazzjonijiet ħżiena bejn l-għalliema u l-istudenti, l-influwenza negattiva tal-klikka, l-iskartar mill-iskola, il-mard, id-diffikultajiet fit-tagħlim, u l-bqija. Barra minn hekk, l-għalliema għandu jkollhom għarfien komprensiv ta’ firxa ta’ interventi effettivi għall-prevenzjoni tat-tluq bikri mill-iskola.
- L-għalliema jridu jkunu kapaċi jikkomunikaw b’mod effettiv u jibnu relazzjonijiet sodi, pożittivi u bbażati fuq il-fiduċja ma’ studenti minn kull sfond. Huma jridu jkunu kapaċi jużaw strateġiji xierqa ta’ ġestjoni tal-klassi u tekniki biex isolvu l-kunflitti u jevitaw il-bullying, u għandu jkollhom għarfien espert fil-kompetenzi interpersonali ħalli jħeġġu klima pożittiva fl-iskola u fil-klassijiet.
- L-għalliema li għandhom attitudni pożittiva u l-abbiltà li jaħdmu f’timijiet professjonali multidixxiplinari u komunitajiet professjonali jiżviluppaw flimkien approċċi tat-tagħlim, jaġixxu biex jipprevjenu l-proċess tat-tluq bikri mill-iskola u huma anqas probabbli li jħossuhom waħedhom. Il-kapijiet tal-iskejjel għandhom rwol ewlieni x’jaqdu billi jipprovdu l-baġit, il-ħin u l-ispazju biex jappoġġaw il-komunitajiet professjonali, il-proġetti tal-iżvilupp tal-iskola u l-iżvilupp professjonali kontinwu.
- L-għalliema għandhom jitħeġġu u jitwieżnu biex imexxu u jaġixxu bħala aġenti tal-bidla u mentors fil-klassi u lil hinn minnha. It-tmexxija min-naħa tal-għalliema tista’ tiġi kkaratterizzata bħala sforz kollaborattiv li fih l-għalliema jiżviluppaw flimkien l-għarfien espert u jippromwovu l-iżvilupp professjonali biex itejbu l-prattiċi edukattivi tagħhom u ta’ sħabhom u l-klima tal-iskola. Fl-aħħar mill-aħħar, l-għan tagħhom huwa li jtejbu l-motivazzjoni u l-prestazzjoni tal-istudenti.
- L-għalliema għandhom ikunu kapaċi jikkomunikaw b’mod effettiv, u jikkoperaw mal-ġenituri u jinvolvuhom fit-tagħlim u fl-iżvilupp ta’ wliedhom.
- L-għalliema għandu jkollhom il-kompetenza, ir-rieda li jikkoperaw, u l-kreattività biex jinvolvu sħab esterni, fosthom l-impjegaturi lokali.
- L-għalliema jrid ikollhom l-għarfien u s-sensibilizzazzjoni dwar l-iżvilupp konjittiv, soċjali u tal-imġiba tal-istudenti (eż. il-benesseri).
Aktar informazzjoni:
Id-Dokument ta’ Ħidma tal-Persunal tal-Kummissjoni Nru 374, Supporting the teaching professions, il-Kummissjoni Ewropea, Brussell, 2012.
Strengthening teaching in Europe: New evidence from teachers compiled by Eurydice and CRELL, l-Uffiċċju tal-Pubblikazzjonijiet tal-Unjoni Ewropea, il-Lussemburgu, Ġunju 2015.
Qari addizzjonali:
Carneiro, R. Looney, J. Vincent-Lancrin, S. ’Learning from the Past, Looking to the Future: Issues and agendas in education’, European Journal of Education, Vol. 50, Nru 4, pp. 524-535. doi: 10.1111/ejed.12158.
Day, L., Percy-Smith, B., Ruxton, S., McKenna, K., Redgrave, K., Ronicle, J. Young, T., Evaluation of legislation, policy and practice of child participation in the EU: Research summary, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
Donaldson, G., ’Teacher Education and Curriculum Change in Scotland’, European Journal of Education, Vol. 49, Nru 2, 2014, pp. 178-191. doi: 10.1111/ejed.12077.
Downes, P., ’Developing a Framework and Agenda for Students’ Voices in the School System across Europe: From Diametric to Concentric Relational Spaces for Early School Leaving Prevention’, European Journal of Education, Vol. 48, Nru, 3, 2013, pp. 346-362. doi./10.1111/ejed.12035
Downes, P., Towards a Differentiated, Holistic and Systemic Approach to Parental Involvement in Europe for Early School Leaving Prevention, l-Unjoni Ewropea, il-Fond Ewropew għall-Iżvilupp Reġjonali, Programm Urbact, Pariġi, 2014.
Council conclusions on reducing early school leaving and promoting success in school, il-Kunsill tal-Unjoni Ewropea, Brussell, 2015.
Supporting teacher competence development for better learning outcomes, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2013.
Education and Training Monitor 2015, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015
Schools policy: A whole school approach to tackling early school leaving, Edukazzjoni u Taħriġ 2020, il-Kummissjoni Ewropea, Brussell, 2015.
Il-Kummissjoni Ewropea/EACEA/Eurydice, The Teaching Profession in Europe: Practices, Perceptions and Policies, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
IBE-UNESCO, Reaching Out to All Learners: a Resource Pack for Supporting Inclusive Education, Għodod tat-Taħriġ għall-Iżvilupp tal-Kurrikulu, l-Uffiċċju Internazzjonali għall-Edukazzjoni, Ġinevra, 2016.
Isac, M.M., Araújo, L., Dinis da Costa, P., Soto Calvo, E., Albergaria-Almeida, P., Teaching practices in primary and secondary schools in Europe: Insights from large-scale assessments in education, l-Uffiċċju tal-Pubblikazzjonijiet tal-Unjoni Ewropea, il-Lussemburgu, 2015.
Nairz-Wirth, E,, Feldmann, K., Diexer, B., Handlungsempfehlungen für Lehrende, Schulleitung und Eltern zur erfolgreichen Prävention von Schulabsentismus und Schulabbruch. Aufbruch zu einer neuen Schulkultur, l-Università tal-Ekonomija u l-Kummerċ ta’ Vjenna, Vjenna, 2012.
Nairz-Wirth, E. Feldmann, K., Wendebourg, E., Professionalisierung von Lehrerinnen und Lehrern im Bereich der Prävention und Intervention von Schul- und Ausbildungsabbruch, l-Università tal-Ekonomija u l-Kummerċ ta’ Vjenna, Vjenna, 2012.
Nouwen, W., Clycq, N., Braspenningx, M., u Timmerman, C., Cross-case Analyses of School-based Prevention and Intervention Measures, Project Paper 6, Proġett RESl.eu, iċ-Ċentru għall-Istudji dwar il-Migrazzjoni u l-Istudji Interkulturali, l-Università ta’ Antwerp, 2016.
TALIS 2013 Results: An international perspective on teaching and learning, l-OECD, Pariġi, 2014.
Ryan, L., Lörinc, M. ’Interrogating early school leaving, youth unemployment and NEETS: Understanding local contexts in two English regions’, Educação, Sociedade & Culturas, Vol. 45, 2015, pp. 33-54.
Sachs, J., ’Teacher professionalism: Why are we still talking about it?, Teachers and Teaching, Vol. 22 No. 4, 2015, pp.413–425. doi: 10.1080/13540602.2015.1082732.
Schleicher, A., Schools for 21st-Century Learners: Strong Leaders, Confident Teachers, Innovative Approaches, l-OECD, Pariġi, 2015.
Valenčič Zuljan, M., Marentič Požarnik, B., ’Induction and Early-career Support of Teachers in Europe’, European Journal of Education, Vol. 49, Nru 2, 2014, pp.192-205. doi: 10.1111/ejed.12080.
