Fittex ir-riżorsi kollha

Bħala parti mill-arranġamenti ta' assigurazzjoni tal-kwalità fl-edukazzjoni u t-taħriġ vokazzjonali (ETV) fil-Kroazja, ġiet żviluppata sistema ta' awtoevalwazzjoni tal-iskejjel vokazzjonali. L-awtoevalwazzjoni tal-istituzzjonijiet ETV qed tkun immonitorjata u evalwata mill-Kumitat tal-Kwalità, li huwa maħtur mill-awtorità maniġerjali tal-Istituzzjoni Edukattiva Vokazzjonali. Għal dan il-għan, il-Manwal għall-implimentazzjoni tal-għodda ta' awtoevalwazzjoni kif ukoll għodda tal-internet imsejħa ?e-quality?, jistgħu jintużaw biex jipprovdu aċċess faċli għar-rapporti ta' awtoevalwazzjoni.

Gruppi Interattivi hija waħda mill-Azzjonijiet Edukattivi ta' Suċċess (SEAs) identifikati fil-proġett ta' riċerka INCLUD-ED. INCLUD-ED analizza strateġiji edukattivi li jikkontribwixxu biex jingħelbu l-inugwaljanzi u jippromwovu l-koeżjoni soċjali, u dawk li jiġġeneraw l-esklużjoni soċjali, b'attenzjoni partikolari fuq il-gruppi vulnerabbli u emarġinati. Il-Gruppi Interattivi jintużaw sabiex itejbu l-edukazzjoni ta' tfal u żgħażagħ f'kuntesti differenti. F'dawn il-gruppi it-tfal tal-klassi jinġabru fi gruppi eteroġenji żgħar, kull wieħed minnhom mgħejun minn adult. Kull grupp ikun organizzat madwar erba' jew ħames studenti, b'mod eteroġenju f'dak li jirrigwarda l-livell tal-kapaċitajiet, is-sess, il-kultura, il-lingwa u l-etniċità. Dan l-eżempju jfiehem l-IG u r-riżultati tagħhom fil-prattika.

Il-'Gwida għall-medjaturi/assistenti tal-iskejjel Rom', imħejjija mill-Kunsill tal-Ewropa, hija mmirata l-aktar għall-kategoriji kollha ta' persunal mill-komunità Rom li jaħdmu biex itejbu l-kundizzjonijiet ta' tagħlim għat-tfal Rom. Hija maħsuba sabiex tipprovdi lill-persunal b'firxa wiesgħa ta' għodod u linji gwida prattiċi li jistgħu jkunu adattati għal kuntesti differenti. Il-gwida tikkunsidra l-profili tal-medjaturi u tal-assistenti tal-iskejjel u r-rwol tagħhom fl-iffaċilitar tar-relazzjonijiet bejn l-iskola u l-komunita(jiet) Rom, bejn l-għalliema u persunal ieħor tal-iskola u l-ġenituri ta' tfal Rom. Il-kontenut tal-gwida huwa għalhekk imfassal sabiex itejjeb ix-xogħol tal-medjaturi u tal-assistenti tal-iskejjel Rom u jnaqqas l-impatt ta' kwalunkwe effett mhux mixtieq billi jipprovdi attività strutturata minn jum għal jum u jenfasizza aspetti ta' medjazzjoni li ħafna drabi fil-prattika ma jintużawx.

Dan il-proġett tfassal biex isostni l-iżvilupp tal-ħiliet tat-Tagħlim Soċjo-Emozzjonali (SEL) fost it-tfal ta’ bejn il-11 u l-14-il sena, u sabiex iħeġġeġ l-Appoġġ bejn il-Pari biex jiġi indirizzat u jitnaqqas l-ibbuljar. Il-Programmi SEL itejbu l-ħiliet soċjali, emozzjonali u akkademiċi tal-istudenti, li jinkludu imġiba aktar prosoċjali u attitudnijiet pożittivi lejhom infushom u lejn ħaddieħor, u livelli aktar baxxi ta’ tbatija emottiva. Is-sistemi ta’ appoġġ bejn il-pari jnaqqsu l-impatt negattiv tal-ibbuljar fuq il-vittmi u jagħmluha aktar faċli għall-vittmi li jaċċettaw li jirrapportawh. Dan isir b’segwiment ta’ approċċ li jinkludi skola fil-kompletezza tagħha bl-inklużjoni tat-tfal u ż-żgħażagħ, il-persunal, il-ġenituri u l-komunuità estensiva. Għaldaqstant, dan il-programm jitbiegħed mill-viżjoni bidimensjonali tal-bullying bħala kwistjoni ta’ vittma u bully, u minflok iħares lejn id-dinamika soċjali u tal-grupp fi skola jew f’ambjent tad-divertiment ħalli jindirizza firxa ta’ fatturi li jikkontribwixxu għall-bullying. ENABLE ħarreġ tim ta’ Ambaxxaturi f’kull pajjiż parteċipant, li huma disponibbli sabiex jipprovdu tagħrif u gwida lil kull skola jew organizzazzjoni li tixtieq timplimenta l-programm.

L-Edukazzjoni għall-Familja hija waħda mill-Azzjonijiet Edukattivi ta’ Suċċess (SEAs) identifikati fil-proġett ta’ riċerka INCLUD-ED. Strateġiji għall-inklużjoni u l-koeżjoni soċjali fl-Ewropa mill-edukazzjoni (il-Kummissjoni Ewropea, is-Sitt Programm Qafas, 2006-2011).

Dan il-monografu janalizza u jiddeskrivi azzjonijiet edukattivi ta' suċċess b'attenzjoni speċifika fuq il-gruppi vulnerabbli. Huwa jipprovdi data konkreta li turi s-suċċess fil-prestazzjoni fl-iskola, kif ukoll rakkonti ta' tfal, għalliema u familji dwar l-impatt ta' dan is-suċċess. Miegħu, hemm analiżi tar-relazzjoni bejn il-prestazzjoni edukattiva ta' dawn it-tfal u l-inklużjoni jew l-esklużjoni tagħhom minn oqsma differenti tas-soċjetà. Dan il-monografu jipprovdi azzjonijiet għas-suċċess identifikati permezz tal-proġett INCLUD-ED, u b'hekk jipprovdi kemm data kontrastanti kif ukoll sfond teoretiku u żvilupp solidi. Uħud mill-eżempji ta' dawn l-azzjonijiet huma gruppi interattivi, estensjoni tal-ħin tat-tagħlim, klabbs tax-xogħol tad-dar, libreriji mal-għalliema, parteċipazzjoni edukattiva tal-familja u tal-komunità, jew laqgħat letterarji bi djalogu. Dawn l-azzjonijiet kollha ġew definiti bħala azzjonijiet edukattivi ta' suċċess, li jfisser li jwasslu kemm għall-effiċjenza kif ukoll għall-ekwità. Finalment, hemm inklużi u diskussi wkoll rakkomandazzjonijiet għall-politika u għall-prattika.

Żieda fil-mobilità u bidliet fix-xejriet tal-migrazzjoni qed iħallu impatt maġġuri fuq sistemi edukattivi madwar id-dinja. Il-bżonn li kull livell tal-forza tax-xogħol ta' skola jkun mgħammar biex jaħdem b'mod effettiv ma' tfal li l-lingwa tal-pajjiż ospitanti tkun ġdida għalihom ilu jidher għal xi żmien. Mhumiex biss tfal li huma ġodda għall-pajjiż ospitanti li għandhom bżonn l-għajnuna, studenti bilingwi għandhom bżonnha wkoll. It-trobbija u l-għajxien f'familja fejn jiġu mitkellma żewġ lingwi jew aktar ibiddlu l-kapaċità lingwistika u l-mod kif wieħed jitgħallem. Għaldaqstant studenti bilingwi għandhom bżonnijiet speċifiċi u b'mod partikolari jirrikjedu riżorsi speċjali għat-tagħlim. Dawn ir-riżorsi jiffurmaw il-bażi tal-iżvilupp u t-tagħlim tagħhom.

Dan ir-rapport jipprova jinforma u jiggwida l-ippjanar strateġiku fuq żmien qasir u medju tal-għaxar muniċipalitajiet tal-bliet Urbact - PREVENT u tal-muniċipalitajiet, l-awtoritajiet lokali u l-iskejjel l-oħrajn kollha madwar l-Ewropa f'dak li jirrigwarda l-involviment tal-ġenituri fl-edukazzjoni biex jiġi evitat it-tluq bikri mill-iskola. Din ir-reviżjoni hija bbażata fuq analiżi ta' dokumenti tal-Kummissjoni u tal-Kunsill tal-UE dwar l-ESL u l-inklużjoni soċjali, djalogu u proċess ta' konsultazzjoni kontinwa mal-10 muniċipalitajiet involuti fil-proġett Urbact - PREVENT u tinterroga riċerka internazzjonali rilevanti għal dan il-qasam. PREVENT huwa ffinanzjat mill-programm tal-UE Urbact.

Il-Laqgħat Letterarji bi Djalogu (Dialogic Literary Gatherings - DLG) huma waħda mill-Azzjonijiet Edukattivi ta' Suċċess (Successful Educational Actions - SEAs) identifikati fil-proġett ta' riċerka INCLUD-ED. Id-DLG jintużaw sabiex itejbu l-edukazzjoni tat-tfal u taż-żgħażagħ f'kuntesti differenti madwar id-dinja. Id-DLG hija attività ta' qari bi djalogu bbażata fuq żewġ prinċipji: il-qari ta' ktieb letterarju klassiku (bħal Romeo u Ġuljetta, l-Odissea, Don Quixote) segwit mid-diskussjoni tat-tifsiriet, tal-interpretazzjonijiet u tar-riflessjonijiet bil-metodu ta' tagħlim fil-forma ta' djalogu. Tista' tinvolvi lit-tfal u lill-membri tal-familja tagħhom. Dan l-eżempju jfiehem id-DLG u r-riżultati tagħhom fil-prattika.