Proġett E-COURSE – Titjib tal-parteċipazzjoni tat-tfal migranti u refuġjati

Stampa: E-COURSE project

Il-proġett E-COURSE għandu l-mira li jtejjeb l-aċċess, il-parteċipazzjoni, u l-prestazzjoni tal-apprendiment tat-tfal migranti u refuġjati li għadhom kif waslu fl-edukazzjoni tal-iskejjel primarji fil-Ġermanja, il-Greċja, l-Italja, Franza, u Ċipru u fil-livell Ewropew biex jippromwovi l-integrazzjoni ġenerali tagħhom fis-soċjetajiet ospitanti.

Il-proġett se jgħin lill-għalliema u lill-persunal tal-iskola biex jindirizza l-bżonnijiet tal-apprendiment tat-tfal migranti u refuġjati u jipprovdilhom ħiliet utli u l-għodod biex jagħmlu dan. Il-proġett se jikkontribwixxi għat-titjib tal-parteċipazzjoni u l-prestazzjoni tal-istudenti migranti u refuġjati li għadhom kif waslu fl-iskejjel primarji, billi jindirizza t-tluq bikri mill-iskola.

L-eżiti tal-proġett jinkludu:

• Moduli tal-apprendiment – għall-għalliema u l-persunal tal-iskola biex jindirizzaw b’mod effettiv l-ugwaljanza, id-diversità, u l-inklużjoni;
• Pjattaforma ta’ appoġġ fl-iskola – biex l-iskejjel ikollhom il-faċilità li jappoġġjaw il-parteċipazzjoni attiva tat-tfal migranti u refuġjati u kollaborazzjoni fost il-membri kollha tal-komunità tal-iskola;

Metodoloġija – għall-iżvilupp u l-implimentazzjoni tal-politiki dwar id-diversità tal-iskola u l-pjanijiet ta’ azzjoni.