Zoom2Choose – Pariri relatati mal-karriera

"Zoom2Choose" hija għodda ta' pariri relatati mal-karriera li tgħin liż-żgħażagħ jivviżwalizzaw il-futur tagħhom bl-użu ta' ritratti biex jagħtu spinta viżiva.

Dan il-proġett jipproponi żewġ għodod li jistgħu jintużaw minn udjenza destinatarja pjuttost wiesgħa u b'mod partikolari minn dawk li għandhom problemi ta' litteriżmu. "Zoom2Choose" hija bbażata esklussivament fuq il-klassifikazzjoni ta' ritratti u tgħaddi r-riżultati lil konsulenti ta' gwida għall-karriera biex tgħinhom jgħinu liż-żgħażagħ fl-għażla tal-karriera tagħhom. Fl-għodda "100 jobs" (100 impjieg), it-testi kollha jistgħu jinqraw iżda jistgħu wkoll jinstemgħu, u dan jagħmilha aċċessibbli għal udjenza usa'.

L-aktar aspett innovattiv tal-proġett huwa li, flimkien ma' pariri relatati mal-karriera u għajnuna fit-tfassil ta' pjan individwali ta' karriera, jipprovdi eżerċizzji tal-lingwa li jintroduċu x-xogħlijiet differenti. L-għodda hija ddisinjata biex tintuża jew bil-lingwa materna jew b'lingwa barranija, inkluż it-tlieta l-aktar studjati.