Tagħrif

Preżentat fi 29 lingwa Ewropea, School Education Gateway huwa pjattaforma online għal għalliema, mexxejja tal-iskejjel, riċerkaturi, edukaturi tal-għalliema, dawk li jfasslu l-politika u professjonisti oħra li jaħdmu fl-edukazzjoni skolastika, inklużi l-Kura u l-Edukazzjoni Bikrija (ECEC) u Edukazzjoni u Taħriġ Vokazzjonali (ETV). Ingħaqad illum u ibqa' infurmat/a dwar il-politika u l-azzjoni Ewropea għall-iskejjel!

Erba’ raġunijiet tajbin biex tuża l-pjattaforma

School Education Gateway hija bla ħlas għall-utenti kollha. Hawnhekk, tista’:

  • TIBQA’ INFURMAT – b’kontenut ġdid kull ġimgħa, inkluż opinjonijiet minn esperti, artikli tal-aħbarijiet, intervisti, pubblikazzjonijiet aġġornati u eżempji ta’ prattiki.
  • ISSIB RIŻORSI – bħal rapporti minn riċerka riċenti, materjali ta’ tagħlim maħluqa fi proġetti u korsijiet ta’ taħriġ Ewropej, u l-Għodda Ewropea għall-Iskejjel, b’materjal dwar il-prevenzjoni tat-tluq bikri mill-iskola u għodda ta’ awtovalutazzjoni li tgħinek tiżviluppa l-azzjonijiet skolastiċi tiegħek stess.
  • TIŻVILUPPA LILEK INNIFSEK – ma’ Teacher Academy, li toffri korsijiet online b’xejn żviluppati mill-esperti interni tagħna, kif ukoll webinars u materjali ta’ tagħlim.
  • TIFFAMILJARIZZA RUĦEK MAL-IFFINANZJAR – permezz tal-Opportunitajiet tal-Erasmus+, li jikkonsistu fi tliet għodod prattiċi (katalgu tal-korsijiet, direttorju tal-opportunitajiet ta’ mobilità u tfittxija ta' sħubija strateġika) għall-iskejjel biex iħejju l-applikazzjonijiet tal-Erasmus+ tagħhom.


Nagħqdu l-politika u l-prattika

Il-pjattaforma tappoġġja l-prijoritajiet tal-politika għall-iskejjel tal-Kummissjoni Ewropea u sfidi kontinwi fl-edukazzjoni skolastika. Il-kontenut huwa indiċjat taħt tags differenti, li jgħinuk issib riżorsi rilevanti li jaqblu mal-interessi tiegħek. Biex tfittex skont it-tag u/jew it-tip ta’ kontenut, mur fuq il-paġna tat-tiftix u agħżel it-tag u/jew it-tip ta' kontenut li għażilt.

Tista’ wkoll tiskopri s-suġġetti ta’ kull xahar u tesplora l-kontenut permezz tal-paġni tat-tema.


Informazzjoni ulterjuri

School Education Gateway u l-eTwinning spjegati:

Pakkett promozzjonali:

Niżżel il-pakkett promozzjonali minn hawn (.ZIP, ~27 MB). Ħafna mill-materjali huwa disponibbli bi 23 lingwa; jekk tixtieq tniżżilhom b’lingwa differenti, jekk jogħġbok agħżel dik il-lingwa mill-menù fin-naħa ta’ fuq fil-lemin, u erġa’ skrollja ’l isfel fis-sezzjoni tal-pakkett promozzjonali. Xi materjali huma disponibbli biss bl-Ingliż; f'dak il-każ, tista’ tniżżel il-fajls oriġinali tas-sors hawn (.ZIP, ~39 MB).


School Education Gateway hija inizjattiva tal-Unjoni Ewropea. Hija ffinanzjat mill-programm Ewropew għall-Edukazzjoni, it-Taħriġ, iż-Żgħażagħ u l-Isport l-Erasmus+. Din hija mmexxija mill-Kummissjoni Ewropea (KE) u implimentat mill-Aġenzija Eżekuttiva Ewropea għall-Edukazzjoni u l-Kultura (EACEA). Hija mħaddma f'isem l-Unjoni Ewropea minn European Schoolnet, sħubija internazzjonali ta’ 32 Ministeru tal-Edukazzjoni Ewropej li qed jiżviluppaw tagħlim għall-iskejjel, l-għalliema u l-studenti madwar l-Ewropa. School Education Gateway għandha rabta mal-eTwinning, il-komunità għall-iskejjel fl-Ewropa.