Пакет за психолошка прва помош за деца

Преку овој пакет за обука учесниците ќе се запознаат со психолошката прва помош за деца. Обуката е изработена за потребите на персоналот и волонтерите кои работат на психо-социјална поддршка на децата и за оние кои обезбедуваат директна грижа и поддршка за децата и за нивните згрижувачи во случај на вознемиреност, како медицински сестри, наставници, социјални работници, здравствени волонтери и работници од амбулантни возила.

Обуката има цел да им овозможи на учесниците да:

• дознаат повеќе за реакциите на децата при вознемиреност,
• дознаат што опфаќа и што не опфаќа психолошката прва помош за децата,
• ги разберат трите акциски начела „гледај, слушај и поврзи“ во однос на децата,
• вежбаат обезбедување психолошка прва помош на дете и на згрижувач кои се вознемирени,
• согледуваат комплексни реакции и ситуации,
• бидат свесни за важноста на грижата за самите себе кога им помагаат на другите.

Овој модул за обука е еден од четирите модули за психолошка прва помош, којшто го придружува комплетот на материјали за психолошка прва помош. Тие вклучуваат: воведна книга насловена „A Guide to Psychological First Aid for Red Cross and Red Crescent Societies“ („Водич за психолошка прва помош за друштвата на Црвениот крст и на Црвената полумесечина“) и мала брошура под наслов „A Short introduction to Psychological First Aid for Red Cross and Red Crescent Societies“ („Краток вовед во психолошка прва помош за друштвата на Црвениот крст и на Црвената полумесечина“).