Поддршка за инклузивно училишно лидерство („SISL“)

Слика: SISL project logo

Проектот „Поддршка за инклузивно училишно лидерство (SISL)“ истражуваше како да се промовира инклузивно лидерство на училишно ниво и обезбеди алатки за поддршка. Проектот сметаше дека лидерството посветено на инклузивно образование се стреми кон постигнување целосно учество во важни образовни можности, високи достигнувања и добросостојба за сите ученици, вклучително и оние кои се најмногу изложени на ризик од исклученост.

Училишното лидерство е пресуден фактор во развивањето поинклузивен образовен систем. Проектот „SISL“ се спроведуваше во периодот од 2017-2021 година и беше координиран од Европската агенција за посебни потреби и инклузивно образование. Резултатите вклучуваат:

• Преглед на европски и меѓународни политики
• Преглед на литература

• Краток извештај за инклузивно училишно лидерство

Покрај тоа, се изработија и пилотираа алатки со отворен код:

• Рамка на политики за помош на развојот на политики за поддршка на инклузивно училишно лидерство.

• Алатка за саморефлексија за осврнување и дијалог меѓу лидерството и креаторите на политики за јазот меѓу стандардите за кои лидерството е одговорно и политиките што се достапни за да се обезбеди достигнување на тие стандарди. Оваа алатка е со отворен код, може да се приспособи на контекстите во различни земји и да се комплетира целосно или делумно, со фокус на главните функции на училишните лидери во давање насока и човечки или организациски развој.